මුදල් අමාත්යංශය මගින් ක්රියාත්මක පවුල් ලක්ෂ දෙකක් සවිබල ගැන්වීම උදෙසා "සෞභාග්යා සමෘද්ධි අරණලු" ස්වයං රැකියා වැඩසටහන යටතේ තෝරාගත් සුදුසුකම්ලාභීන් අතරින් නොච්චියාගම සමෘද්ධි බැංකු කලාප 3ම ආවරණය වන පරිදි සුදුසුකම්ලාභීන් 38 දෙනෙකු සදහා සංකේතාත්මකව රුපියල් 50,000 ත් 100000 අතර වටිනාකමින් යුතු මහන මැෂින්, වතුර මෝටර්, තණකොළ කැබලි කිරීමේ මැෂින්, වඩු උපකරණ ආදිය බෙදාදීම අද (2021/12/16) දින ගරු සමෘද්ධි ගෘහ ආර්ථික ශුද්ර මූල්ය හා ස්වයං රැකියා රාජ්ය අමාත්ය, අනුරාධපුර දිස්ත්රික් පාර්ලිමේන්තු මන්ත්රී ශෙහාන් සේමසිංහ මහතාගේ ප්රධානත්වයෙන් හා නොච්චියාගම ප්රාදේශීය සම්බන්ධීකරණ කමිටු සභාපති, අනුරාධපුර දිස්ත්රික් පා.ම. කේ පී එස් කුමාරසිරි මහතාගේ සහභාගීත්වයෙන් නොච්චියාගම ප්රාදේශීය ලේකම් කාර්යාලයේ රැස්වීම් ශාලාවේදී සිදුකෙරිණි. මුදල් අමාත්යංශය සහ සමෘද්ධි, ගෘහ ආර්ථික, ක්ෂුද්ර මූල්ය, ස්වයං රැකියා හා ව්යාපාර සංවර්ධන රාජ්ය අමාත්යංශය එක්ව ක්රියාත්මක කරන මෙම වැඩසටහන මගින් ඉදිරියේදී නොච්චියාගම ග්රාම සේවා වසම් 36 ම, සමෘද්ධි බැංකු කලාප 3ම ආවරණය වන පරිදි සමෘද්ධිලාභී සහ ව්යවසායකත්ව හැකියාව සහ උනන්දුව සහිත පුද්ගලයින් සදහා ගම්මිරිස් පැළ තවාන්, පශු සම්පත්, සත්ත්ව පාලන, කෘෂි සහ රසකැවිළි නිෂ්පාදන ආදී විවිධ ක්ෂේත්ර සදහා අවශ්ය නිෂ්පාදන අමුද්රව්ය, නිෂ්පාදන උපකරණ සහ තාක්ෂණික පුහුණුව ලබාදෙමින් ඔවුන්ගේ ජීවනෝපාය සංවර්ධනය උදෙසා ශක්තියක් ලබාදීමට කටයුතු කරනු ඇත. මෙම අවස්ථාවට නොච්චියාගම ප්රාදේශීය සභා මන්ත්රීවරුන් ඇතුළු දේශපාලන නියෝජිතයන්, නොච්චියාගම සමෘද්ධි බැංකු මූලස්ථාන කළමනාකාර අජිත් පුෂ්පකුමාර මහතා, බැංකු සමිති කළමනාකාර රජීව් ශ්රී බණ්ඩාර මහතා, ව්යාපෘති සහකාර (නොච්චියාගම), නොච්චියාගම වසම් වල රාජකාරීයේ නිරත සමෘද්ධි සංවර්ධන නිලධාරීන් සහ ප්රතිලාභී මහත් මහත්මීන් ද සහභාගී විය.
