Divisional Secretariat - Nochchiyagama

අනුග්‍රාහික පදනම මත නොච්චියාගම ප්‍රාදේශීය ලේකම් කොට්ඨාසයේ වාණිජ හා කෘෂිකාර්මික ව්‍යාපෘති ක්‍රියාත්මක කිරීම සඳහා ව්‍යාපෘති යෝජනා ඉදිරිපත් කර ඇති ආයෝජකයන්ට ඔවුන් ක්‍රියාත්මක කිරීමට බලාපොරොත්තු වන  ව්‍යාපෘතිය පිළිබඳව ප්‍රාදේශීය ඉඩම් පරිහරණ කමිටුව වෙත කරුණු පැහැදිලි කිරීමට අවස්ථාවක් 2022.09.14 දින නොච්චියාගම ප්‍රාදේශීය ලේකම් කාර්යාලයේදී ලබා දෙන ලදී.

කොට්ඨාසයේ ඉඩම් අවිධිමත් ලෙස පරිහරණය කිරීම වැලැක්වීම, ඵලදායී නොවන ව්‍යාපෘති ප්‍රතික්ෂේප කිරීම, ව්‍යාපෘති ක්‍රියාත්මක කිරීම සඳහා අනෙකුත් ආයතන වල එකඟතාවය කඩිනමින් ලබා ගැනීම මෙම විශේෂ ඉඩම් පරිහරණ කමිටුව පැවැත්වීමේ අරමුණු වූහ.මෙම අවස්ථාවට ප්‍රාදේශීය ඉඩම් පරිහරණ කමිටුව නියෝජනය කරන නිලධාරීන් රැසක් සහභාගී වූහ.

නොච්චියාගම ප්‍රාදේශීය ලේකම් කොට්ඨාසයේ යල කන්නයේ "වී හා සෝයා අස්වනු නෙලීම සඳහා" අවශ්‍ය ඉන්ධන නිකුත් කිරීම අවසන් කරන ලදී.

ඉන්ධන නිකුත් කිරීම සඳහා සහාය ලබාදුන් ප්‍රාදේශීය ලේකම් කාර්යාලයේ නිලධාරීන්ට, නොච්චියාගම හා රනෝරාව ගොවිජන සේවා ප්‍රාදේශීය නිලධාරින් ඇතුලු කෘෂිකර්ම පර්යේෂණ නිශ්පාදන සහකාර නිලධාරීන්ටත්, මහවැලි කොට්ඨාස කළමනාකරු ඇතුලු නිලධාරීන්ටත්, සමණල ඉන්ධන පිරවුම්හලේ කාර්ය මණ්ඩලයටත් විශේෂ ස්තූතිය පිරිනමමි.